ປີໃໝ່ ພສ 2561 ນີ້ ກໍເໝືອນດັ່ງທຸກໆປີຜ່ານມາ ທີ່ຫ້ອງການຕ່າງໆອ້ອມຂ້າງສໍານັກງານອະທິການບໍດີ ມະຫາວິທະຍາໄລແຫ່ງຊາດ ໄດ້ຈັດຕັ້ງສີເຫຼີມສະຫຼອງປີໃໝ່ລາວຂຶ້ນ ທີ່ຕຶກສໍານັກງານອະທິການບໍດີໃນວັນທີ່ 12 ເມສາ ຄສ 2018 ກົງກັບວັນພະຫັດ ແຮມ 12 ຄໍ່າ ເດືອນຫ້າ ພສ2560, ເວລາ 7 ໂມງເຊົ້າໄດ້ມີພິທີຕັກບາດ ຖວາຍສິງຄະທານແກ່ພຣະ 9 ອົງ ຈາກນັ້ນເວລາ 10 ໂມງໄດ້ມີພິທີບາສີສູ່ຂັວນ ແລະ ອ່ອຍພອນປີໃໝ່ແກ່ອະທິການບໍດີ, ຮອງອະທິການບໍດີ, ທ່ານຫົວໜ້າຫ້ອງການ, ພະນັກງານັ້ນນໍາ ຕະຫຼອດເຖີງພະນັກງານ-ຄູອາຈານ ຈາກຫ້ອງການຕ່າງໆເຂົ້າຮ່ວມ. ພາຍຫຼັງສໍາເລັດພິທີດັ່ງກ່າວ ກໍ່ໄດ້ຮັບປະທານອາຫານທ່ຽງ, ມ່ວນຊື່ນ ແລະ ສົງນໍ້າເຊິ່ງກັນ ແລະ ກັນ.
