4 Column Custom Blog

ໃນລະຫວ່າງວັນທີ 26-28 ເດືອນ 11 ປີ 2019 ທີ່ຫໍສະໝຸດກາງມະຫະວິທະຍາໄລແຫ່ງຊາດໄດ້ ຈັດງານປະຖົມນິເທດ ການນຳໃຊ້ຂໍ້ມູນຂ່າວສານຈາກສີ່ງພີມ ແລະ ຖານຂໍ້ມູນເອເລັກໂຕນິກວິຊາການ ເພື່ອການຮຽນ, ການສອນ ແລະ ການຄົ້ນຄ້ວາ ດ້ວຍຕົວເອງໃຫ້ແກ່ນັກສຶກສາປີທີ 1 ມະຫາວິທະຍາໄລແຫ່ງຊາດ.

ວັນທີ 20/11/2019 ນັກສຳມະນາກອນວຽກງານວິຊາການຫ້ອງສະໝຸດກອງທັບຈຳນວນ 15 ທ່ານໄດ້ມາຢ່ຽມຢາມແລກປ່ຽນຖອດຖອນບົດຮຽນວຽກງານວິຊາການ ແລະ ການບໍລິການຂໍ້ມູນຂ່າວສານທີ່ຫໍສະໝຸດກາງມະຫາວິທະຍາໄລແຫ່ງຊາດ ເພື່ອນຳໄປພັດທະນາປັບປຸງວຽກຂອງພາກສ່ວນຕົນໃຫ້ທັນສະໄໝຂື້ນເທື່ອລະຂັ້ນ.

ຕອນເຊົ້າຂອງວັນອັງຄານກົງກັບວັນທີ 19/11/2019 ພະນັກງານລາວໂທລະຄົມ ຈຳນວນ 8 ທ່ານໄດ້ມາຢ່ຽມຢາມແລກປ່ຽນຖອດຖອນບົດຮຽນກຽ່ວກັບການໃຫ້ບໍລິການຂໍມູນຂ່າວສານຕ່າງໆ ພ້ອມນັ້ນຍັງໄດ້ທ່ຽວຊົມຫໍສະໝຸດກາງມະຫາວິທະຍາໄລແຫ່ງຊາດ 

ຕອນບ່າຍວັນພຸດວັນທີ 2 ຕຸລາ 2019 ພະນັກງານຫໍສະໝຸດກາງໄດ້ພາກັນສ້າງຂະບວນອອກແຮງງານລວມ ເສຍຫຍ້າສວນດອກໄມ້ ແລະ ປັດກວາດໃບໄມ້ ອ້ອມຂາງ ຫໍສະໝຸດກາງ ຈາກນັ້ນຈື່ງພາກັນເຂົ້າຮ່ວມກິດຈະກຳແຂ່ງຂັນຕີບູນ ເພື່ອຂໍ່ານັບຮັບຕ້ອນວັນຄູແຫ່ງຊາດ ວັນທີ 7 ຕຸລາ ຄົບຮອບ 25 ປີ ຢ່າງເບິກບານມ່ວນຊື່ນ.

ຕອນຍບ່າຍຂອງວັນສຸກ ກົງກັບວັນທີ່ 5/4/2019 ໄດ້ມີການມອບຮັບປື້ມຈຳນວນ 10 ຫົວ ຈາກທ່ານ ທອງດີ ພົມມະວົງສາ ພ້ອມດ້ວຍທິມງານ ແລະ ຮັບໂດຍ ທ່ານ ອາຈານ ບຸນສະຫລອງ ຫົວໜ້າ ພະແນກ ບໍລິຫານຈັດຕັ້ງ-ສັງລວມ

ຕອນບ່າຍຂອງວັນພຸດກົງກັບວັນທີ່ 20/3/2019 ພະນັກງານຫໍສະໝຸດກາງໄດ້ພາກັນສ້າງຂະບວນການອອກແຮງງານລວມເຊັ່ນ: ຈັດວາງປື້ມຕຳລາຮຽນໃນສາງຄືນໃໜ່, ອານາໄມຫ້ອງການ, ປັດກວດໃບໄມ້ອ້ອມຂ້າງຫໍສະໝຸດ ແລະ ຂະບວນການຫຼີ້ນກິລາ ເພື່ອເປັນການຂໍ່ານັບຮັບຕ້ອນກອງປະຊຸມໃຫ່ຍຄັ້ງທີ່ V ຂອງພັກຮາກຖານສຳນັກງານອະທິການບໍດີ

ວັນທີ່ 5/3/2019 ພາຍຫຼັງສຳເລັດກອງປະຊຸມສ່ອງແສງສັນຈອນປະຈຳເດືອນກຸມພາ ບັນດາຄະນະນຳມະຫາວິທະຍາໄລແຫ່ງຊາດ ກໍໄດ້ເຂົ້າຢ້ຽມຊົມຫໍສະໝຸດກາງ ເພື່ອເປັນການຊຸກຍູ້ ແລະ ໃຫ້ທິດຊິ້ນຳແນວທາງການພັດທະນາ ດ້ານການບໍລິການຊໍ້ມູນຂ່າວສານ, ການປົກປັກຮັກສາ ຊັບພະຍາກອນຫ້ອງສະໝຸດໃຫ້ຍືນຍົງ.

ວັນທີ່ 5/3/2019 ທີ່ຫໍສະໝຸດກາງ ມະຫາວິທະຍາໄລແຫ່ງຊາດ ໄດ້ມີການມອບຮັບປື້ມ ວັດຈະນານຸກົມຄຳສັບກ່ຽວກັບ ປ່າໄມ້ ຈຳນວນ 34 ຫົວ ເຊີ່ງມອບໂດຍຕ່າງໜ້າຈາກກົມປ່າໄມ້ 2 ທ່ານ ແລະ ຮັບໂດຍ ທ່ານ ຮອງອຳນວຍການຝ່າຍວິຊາການ ຂອງຫໍສະໝຸດກາງ.

ວັນຈັນ, ວັນທີ 18/02/2019 ນາງ ສຸພີນ ວົງພະຈັນ ນັກສຶກສາລາວທີ່ຮຽນ ຈົບປະລີນຍາເອກ ຈາກ ສ.ສ ເກົາຫຼີ ໄດ້ມອບປື້ມ ຈຳນວນ 2 ຫົວ ເປັນບົດວິທະຍານິພົນ ແລະ ປື້ມຮຽນພາສາເກົາຫຼີ ແປເປັນພາສາລາວ  ໃຫ້ແກ່ ຫໍສະໝຸດກາງ ມະຫາວິທະຍາໄລແຫ່ງຊາດ ຊີ່ງ ແລະ ໄດ້ຮັບໂດຍ ອຈ. ສີສະຫັວນ ຮອງອຳນວຍການ ຫໍສະໝຸດກາງ ມະຫາວິທະຍາໄລແຫ່ງຊາດ

ຕອນບ່າຍ ຂອງວັນພຸດ ວັນທີ່ 30 / 1 / 2019 ພະນັກງານ ຄູ ອາຈານ ຫໍສະໝຸດກາງ ທັງໜົດໄດ້ພາກັນ ອານາໄມອາຄານສະຖານທີ່ຕ່າງໆ ຕາມຫ້ອງການ ແລະ ປັດກວດຂີ້ຝຸ່ນ ໃບໄມ້ຕາມຖະນົນຫົນທາງຢູ່ດ້ານຫຼັງ ຫໍສະໝຸດກາງ ເພື່ອເປັນການສ້າງຂະບວນການອອກແຮງງານລວມ ຂໍານັບຮັບຕ້ອນວັນສ້າງຕັ້ງອົງການສະຫະພັນກຳມະບານລາວ ວັນທີ 1 ກຸມພາ ແລະ ທັງເປັນການສ້າງຜົນງານ ຕ້ອນຮັບວັນເປີດກອງປະຊຸມໃຫ່ຍຂອງພັກຮາກຖານສຳນັກງານອະທິການບໍດີ ມະຫາວິທະຍາໄລແຫ່ງຊາດອິກດ້ວຍ

ວັນທີ່ 28/01/2019 ທິມງານອົງການກາແດງ ພ້ອມດ້ວຍຊາວໜຸ່ມອາສາສະໝັກອົງການກາແດງ ສ. ເກົາຫຼີ ມາແລກປ່ຽນ ແລະ ຖອດຖອນບົດຮຽນດ້ານວັດທະນະທຳ ກັບນັກສຶກສາມະຫາວິທະຍາໄລແຫ່ງຊາດລາວ ການຕ້ອນຮັບທິມງານດັງກ່າວ ໄດ້ຈັດຂື້ນຢູ່ທີ່ຫໍສະໝຸດກາງ ມະຫາວິທະຍາໄລແຫ່ງຊາດ.  ຂຶ້ນສະແດງຄວາມຍິນດີຕ້ອນຮັບ ແລະ ກ່າວເປີດພິທີເປັນທາງການ ໂດຍທ່ານ ສົມພອນ ບຸນມີ ວ່າການຜູ້ອໍານວຍການຫໍສະໝຸດກາງ.  ຈາກນັ້ນບັນດາແຂກທີ່ມາໃນງານ ກໍ່ໄດ້ຮັບຊົມ ການສະແດງສິລປະ ຂອງແຕ່ລະຝ່າຍດ້ວຍຄວາມເບີກບານມ່ວນຊື່ນ ພິເສດ ຍັງໄດ້ຮັບຊົມການແນະນໍາທັກສະໃນການເຂົ້າຊ່ວຍຄົນເຈັບ ທີ່ໝົດສະຕິກະທັນຫັນດ້ວຍວິທີການປໍ້າຫົວໃຈ ໂດຍທິມງານຊາວໜຸ່ມອາສາສະໝັກອົງການກາແດງ ສ. ເກົາຫຼີ ແລະ ທ່ຽວຊົມມູມຂໍ້ມູນຂ່າວສານຕ່າງໆRead More...