ການເຮັດບັດສະມາຊິກ
ຫໍສະໝຸດກາງ ມຊ (ຫສກ) ຈະບັນທຶກຂໍ້ມູນສ່ວນຕົວຂອງທ່ານໄວ້ເມື່ອທ່ານມາເຮັດບັດສະມາຊິກຫ້ອງສະໝຸດ ເຊິ່ງຂໍ້ມູນດັ່ງກ່າວປະກອບມີ ຊື່, ນາມສະກຸນ, ວັນເດືອນປີເກີດ, ເລກໂທລະສັບ, ທີ່ຢູ່, ຄະນະວິຊາ, ພາກວິຊາ, ສາຂາວິຊາ, ອາຊີບ, ເພດ ແລະ ເລກທະບຽນນັກສຶກສາ ຫຼື ເລກບັດປະຈຳຕົວ. ພວກເຮົາຈະບໍ່ເຜີຍແຜ່ຂໍ້ມູນສ່ວນຕົວຂອງທ່ານ ຖ້າບໍ່ໄດ້ຮັບການເຫັນດີເຫັນພ້ອມຈາກທ່ານ. ແຕ່ວ່າ, ຖ້າຫາກເຈົ້າໜ້າທີ່ມີການສືບສວນສອບສວນ ພວກເຮົາຈຳເປັນຕ້ອງເປີດເຜີຍຂໍ້ມູນຂອງທ່ານຕໍ່ ທາງເຈົ້າໜ້າທີ່ ທີ່ກ່ຽວຂ້ອງຕາມລະບຽບກົດໝາຍ.
ເມື່ອທ່ານເຂົ້ານຳໃຊ້ເວັບໄຊ໋ ຫສກ
ພວກເຮົາຈະບັນທຶກ email ຂອງທ່ານ ເມື່ອທ່ານມີການຕິດຕໍ່ພວກເຮົາຜ່ານ Email. ການບັນທຶກ Email ຂອງທ່ານ ແມ່ນເພື່ອໃຫ້ບໍລິການໃດໜຶ່ງທີ່ທ່ານຂໍຮ້ອງມາເທົ່ານັ້ນ ແລະ ບໍ່ໄດ້ບັນທຶກ Email ຂອງທ່ານໄວ້ໃນລະບົບຈັດເກັບໃດໆ ຖ້າທ່ານບໍ່ໄດ້ສະເໜີ ຫຼື ຮ້ອງຂໍ. Email ຂອງທ່ານຈະບໍ່ຖືກເຜີຍແຜ່ຕໍ່ອົງການ ຫຼື ຜູ້ອື່ນໆ ຖ້າບໍ່ໄດ້ຮັບການເຫັນດີເຫັນພ້ອມຈາກທ່ານ.
ການເຊື່ອມຕໍ່ໄປຍັງເວັບໄຊ໋ອື່ນໆ
ເວັບໄຊ໋ (ຂອງ ຫສກ) ຍັງໄດ້ໃຫ້ບໍລິການ ການເຊື່ອມຕໍ່ໄປຍັງເວັບໄຊ໋ອື່ນອີກ. ຫສກ ບໍ່ໄດ້ຮັບຜິດຊອບຕໍ່ ນະໂຍບາຍຕ່າງໆ ທີ່ກ່ຽວຂ້ອງກັບຂໍ້ມູນສ່ວນຕົວຂອງຜູ້ໃຊ້ ຫຼື ເງື່ອນໄຂ ຫຼື ຂໍ້ຕົກລົງ ຂອງເວັບໄຊ໋ນັ້ນໆ (ໝາຍຄວາມວ່າ ເມື່ອມີເຫດການທີ່ບໍ່ເໝາະສົມເກີດຂຶ້ນກັບທ່ານ ເມື່ອທ່ານເຂົ້າໃຊ້ເວັບໄຊ໋ອື່ນໆ ທີ່ຕໍ່ອອກຈາກ ເວັບໄຊ໋ຂອງ ຫສກ, ຫສກ ບໍ່ໄດ້ຮັບຜິດຊອບຕໍ່ເຫດການນັ້ນ).